Photoshop සිංහලෙන්

අපේ Forum එක

Dileepa Mahanama — Thu, 23 Aug 2012 08:55:53 +0000

ඔන්න අපේ ෆොරම් එකත් කොහොමහරි ගොඩ දාගත්තා. හැබැයි සමහර රෙජිස්ටර් උන මෙම්බර්ස්ලව නම් නැති වෙන්න පුළුවන්. ඒකට සමාව ඉල්ලනව. ඔයාලට අලුත් Account හදාගෙන අපේ ෆෝරම් එකත් එක්ක දිගටම ඉන්න පුළුවන්.

ෆෝරම් එකේ ම අළුත් section එකක් හැදුව ‘Tutorials ඉල්ලන්න’ කියල. ඒකෙදි ඔයාලට පුළුවන් දැනට ඉංග්‍රීසියෙන් තියන පාඩම් අපිට දීලා අපි ඒක සරල සිංහලෙන් ඔයාලට නැවත ලබා දෙන්න request කරන්න. ඒ වගේම Photoshop වැඩ කරනකොට අත්‍යවශ්‍ය වෙන දේවල් රාශියක් ෆෝරම් එකෙන් ඔයාලට දෙන්න බලාපොරොත්තු වෙනව. ඔයාලටත් පුළුවන් ඔයාල දන්න දේවල් ෆෝරම් එක හරහා අනිත් අයට කියල දෙන්න. හොඳ තත්වෙන් ඔයාලම හදපු පාඩම දැම්මොත් අපි ඒවා තෝරගෙන බ්ලොග් එකේ පෝස්ට් කරනව ඔයාගෙ නමින්.

Photoshop සිංහලෙන් Forum – forum.photoshopsinhalen.com

Photoshop පාඩම් අංක 16 | Photo Retouching (basics)

Dileepa Mahanama — Sun, 05 Aug 2012 11:16:28 +0000

මෙම ලිපියෙන් මම කියාදෙන්නේ Adobe Photoshop මෘදුකාංගය මගින් වැඩි ආලෝකයක් ඇතිව ගත් ඡායාරූපයක් නිවැරදි ලෙස ආලෝකකරණය කර සංස්කරණය කරගන්න ආකාරයයි.

මෙය තමයි මම තෝරාගත් වැඩි ආලෝකයක් ඇති ඡායාරූපය

1) ප්‍රථමයෙන්ම මෙම ඡායාරූපය Adobe Photoshop තුලින් Open කරගන්න. (File>Open)

2) දැන් Layer Menu එකේ New Adjustment Layer > Levels කියන තැනට යන්න.ඉන්පසු එන window එකේ ඇති අගයන් (values) පහත සඳහන් විදිහට වෙනස් කරගන්න (මෙය ඔබට අවශ්යල ආකාරයටද වෙනස් කරගත හැකිය. එය තීරණය වෙන්නේ ඡායාරූපයට අනුවයි. එහි ඇති Sliders එහා මෙහා කිරීමෙන්ද හරි ආකාරයට ඡායාරූපයේ ආලෝකය සකසා ගත හැකිය).

3) මින්පසු වශයෙන් Layer Menu එකේ New Adjustment Layer>Exposure කියන තැනට ගොස් පහත ඇති අගයන් ඇතුලත් කරන්න (මෙයද ඔබට අවශ්‍ය අකාරයට වෙනස් කිරීමට පුළුවනි).

4) අවසානයේදී ඔබට මෙවැනි ප්‍රතිඵලයක් ලබා ගත හැක. කලින් තිබූ වැඩි ආලෝකය නැති වී ගොස් ඇති බව ඔබට පෙනෙයි.

මෙම ලිපියෙන් ඔබට කියාදුන්නේ ඡායාරූපයක ආලෝකය හරිගස්වාගැනීමේ මූලිකම ක්‍රමයකි. මේ දේ කිරීමට මෙයට වඩා තවත් උසස් ක්රුම සහ විධි ඇත. ඒවා ඉදිරි ලිපිවලින් කියාදීමට මා බලාපොරොත්තු වෙනවා.

මෙම පාඩම මා විසින්ම PhotographyLK වෙබ් අඩවියේද පල කර ඇත. (http://www.photographylk.com/articles/photo-retouching-%E0%B6%B8%E0%B7%96%E0%B6%BD%E0%B7%92%E0%B6%9A-%E0%B6%9A%E0%B7%8A%E2%80%8D%E0%B6%BB%E0%B6%B8-1/)

Photoshop පාඩම් අංක 16 බාගන්න – http://downloads.photoshopsinhalen.com

අපි නැවතත්…

Dileepa Mahanama — Sun, 05 Aug 2012 10:26:20 +0000

බොහෝ කාලායක් නවතා තිබ්බ Photoshop සිංහලෙන් බ්ලොග් එක ඔන්න නැවතත් සක්‍රියයි. පොඩි වෙනස්කම් ටිකකුත් බ්ලොග් එකට කර තිබෙනවා. නමුත් පරණ පාඩම් සහ අනිකුත් දේවල් සියල්ලම ඔබට බලාගැනීමේ හැකියාව තිබෙනවා. ඉදිරියට එක දිගටම පාඩම් දාන්න මම බලාපොරොත්තු වෙනවා. ඉදිරියට ඔබ අපිත් එක්ක දිගටම සිටිනවායැයි අප විශ්වාස කරනවා. බ්ලොග් එකේ යම්කිසි අපහසුතාවක් ඇත්නම් admin@photoshopsinhalen වෙත ඊමේල් පණිවිඩයක් හෝ මෙහි කමෙන්ට් එකක් විදිහට ඒ බව අපට කියන්න. ඒ වගේම අපගේ Facebook පිටුවට Like කරපු 700කට අධික සියලුම දෙනාට ස්තුතිය පල කරනවා.

අප විසින් පලකරන සියළුම පාඩම් බාගත කරන්න – http://downloads.photoshopsinhalen.com

අපගේ ෆෝරමය – http://forum.photoshopsinhalen.com

අපගේ Facebook පිටුව – http://www.facebook.com/PhotoshopSinhalen

අපගේ Twitter පිටුව – http://twitter.com/PSSinhalen

Photoshop සිංහලෙන් Administrator

Tute සියල්ල බාගන්න

Dileepa Mahanama — Sat, 14 Jan 2012 15:57:00 +0000

ඔන්න දැන් ඔයගොල්ලන්ට අපේ බ්ලොග් එකේ මෙතෙක් දාලා තියන Photoshop පාඩම් ඔක්කොම ඩවුන්ලෝඩ් කරන්න පුළුවන්. අපි අළුත් පාඩමක් දාපු ගමන්ම ඒවාත් ඩවුන්ලෝඩ් කරන්න ලින්ක්ස් එකතු කරනව.

ඩවුන්ලෝඩ් පිටුව – downloads.photoshopsinhalen.com

අපේ ෆෝරම් එකටත් ජොයින් වෙලා සහයෝගයක් දෙන්න

forum.photoshopsinhalen.com

Photoshop අමතර පාඩම් 1 | Moon Shine Text Effect

Dileepa Mahanama — Tue, 03 Jan 2012 11:58:00 +0000

මුලින්ම ඔබ සියලුදෙනාටම සුභ අළුත් අවුරුද්දක් වේවා කියල ප්‍රාර්ථනා කරනව!

අපේ සාමාන්‍ය පාඩම් වලට අමතරව අපේ ෆෝරම් එකේ මෙම්බර් කෙනෙක් හදපු පාඩමක් තමයි අද මම ලබා දෙන්නෙ… මේක හදපු මෙම්බර් ට තමයි මේහි සම්පූර්ණ අයිතිය තියෙන්නෙ.

Member – DJ_SIGITHI [Nipuna Deemantha]

ටියුට් එක බලන්න – http://forum.photoshopsinhalen.com/showthread.php?tid=40

සැ. යු. – මේ ටියුට් එක සහ ඉදිරියේදී මේ වගේ මෙම්බර්ස්ල දාන ටියුට් බැලීම සඳහා ෆෝරම් එකේ register වී ෆෝරම් එකේ අවමය posts 5ක් දමා තිබිය යුතුය.

Photoshop පාඩම් අංක 15 | Typography 2

Dileepa Mahanama — Tue, 22 Nov 2011 16:44:00 +0000

ඔන්න එහෙනම් කිව්ව වගේම Typography 2 පාඩමත් දැම්මා. මේ ටියුට් එකෙනුත් ඔයාලට Text එකකට ලස්සන effect එකක් දාන හැටි තමයි කියල දෙන්නෙ. එහෙනම් අපි යමු ටියුට් එකට.

අපි අද හදන්න යන්නෙ මෙන්න මේ විදිහෙ Text Effect එකක්.

1) මුලින්ම White Background එකකුත් එක්ක අලුත් කැන්වස් එකක් හදා ගන්න.

2) ඊට පස්සෙ Layer Palette එකෙන් Background Layer එක Right-click කරල Layer from Background කියන එක ක්ලික් කරන්න. දැන් මේ ලේයර් එකේ Blending Options වලට ගිහින් (Right-click>Blending Options) පල්ලෙහා තියන විදිහට තද දුඹුරු (#443501) සහ කලු Gradient Overlay එකක් දෙන්න.

3) දැන් අලුත් ලේයර් එකක් හදාගෙන (Ctrl+Shift+N) ඒක සුදු පාටින් Fill කරගන්න. දැන් Filter>Texture>Texturizer කියන තැනට ගිහින් තියන අගයන් ම OK කරන්න. (මෙය කිරීමට පෙර Foreground හා Background පාටවල් සුදු හා කලු කරගෙන සිටින්න). ඉන් පස්සෙ මේ Filter එක දාපු ලේයර් එකේ Layer Mode එක Multiply කියන එකට දාන්න.

4) දැන් Text එකක් Type කරගන්න සුදුසු ෆොන්ට් එකකින්. මම පාවිච්චි කරේ Times New Roman.

5) දැන් පහල තියන විදිහට මේ Text ලේයර් එකේ Blending Options ටික හදා ගන්න.

මේකෙ Gradient එක:

දැන් බලන්න Output එක. (Output එකට මම වැඩිපුර දේවලුත් දාල තියෙන්නෙ. )

මේ effect එක ඔයාලට කැමති විදිහකට අත්හදා බලලා ලස්සන නිර්මාණයක් කරගන්න පුලුවන්.

Original Source – abduzeedo.com

මෙම පාඩම බාගත කරගන්න – http://www.mediafire.com/?q887o8kjmlyb766

RAR Password – photoshopsinhalen.com

(පාඩම බැලීමට Adobe Reader අවශ්‍යයි)

මෙහි අපැහිදිලි යමක් ඇත්නම් මෙතන කමෙන්ට් කර හෝ අපට ඊ-මේල් එකක් එවා ඒ ගැන අහන්න. ඔබ මෙයින් යම්කිසි දෙයක් ඉගෙන ගත්තානම් ඒ ගැනත් මෙතන කමෙන්ට් එකක් දාලම යන්න.

මේක කියෝල යන කට්ටිය අපේ ෆෝරම් එකටත් එකතු වෙන්න

forum.photoshopsinhalen.com

Photoshop පාඩම් අංක 14 | Typography 1

Dileepa Mahanama — Sat, 12 Nov 2011 13:32:00 +0000

Typography කියල කියන්නෙ Designing වැඩ වලදි අපිට හම්බ වෙන එක කොටසක් (මමත් ආසම subject එකක් ). සරලව මේ Typography කියල අපි හඳුන්වන්නේ Text Effect වලට. මීට කලිනුත් අපි Text Effect ගැන ටියුට් දැම්මා. දැන් ටිකක් Advanced Text Effect දාන හැටි ඔයාලට කියල දෙන්නයි යන්නේ. Typography ටියුට් මම ඉදිරියේදීත් දාන්න බලාපොරොත්තු වෙනව. එහෙනම් අපි යමු V2 වල පලවෙනි ටියුට් එකට. featured_img

මේ ටියුට් එකෙන් ඔයාලට කියල දෙන්නෙ පහල තියන Text Effect එක හදාගන්න ආකාරයයි.

1) මුලින්ම අලුත් canvas එකක් අරගෙන කලු පාටින් Fill කරගන්න. මම භාවිතා කරේ පහත සඳහන් අගයන්.

2) ඔයාලට ඕනෙ Text එකක් හෝ Vector එකක් canvas එකට අරගෙන Layer Palette එකෙන් ඒ ලේයර් එක Right-click කරල Convert to Smart Object කරන්න.

3) දැන් Text හෝ Vector ලේ‍යර් එක hide කරගන්න (Layer Palette එකේ Layer Thumbnail එකට වම් පැත්තෙ තියන ඇහැක ලකුණ ක්ලික් කරන්න). ඉන්පසු අලුත් text box එකක් canvas එක වැහෙන්න ඇඳලා ඒකේ ඔබට අවශ්‍ය වගන්තියක් ටයිප් කරගන්න. (මම ටයිප් කර ඇත්තේ -PHOTOSHOP SINHALEN කියන වචන දෙකයි). ඉන්පසු මේ text එක Copy/ Paste කර canvas එක පිරෙන විදිහට Text Box එක ලොකු කරගන්න.

Font – ITC Avant Garde Gothic

Font Size – 16pt

Height Spacing – 16pt

Color – #404040

සියලුම අකුරු Capital ලෙස ටයිප් කරන්න.

4) දැන් මේ Text Box එක වටේ තියන Anchor Points භාවිතයෙන් පොඩ්ඩක් ඇල කරගන්න.

5) දැන් අර කලින් අපි hide කරපු ලේ‍යර් එක unhide කරගන්න. ඉන්පසු ඒ ලේයර් එකේ Layer Thumbnail එක උඩ Ctrl එක්ක ක්ලික් කරන්න. එතකොට text එක උඩ selection එකක් වැටිල තියනවා පෙනේවි.

6) දැන් ආයෙමත් selection එක තියෙද්දිම ඒ ලේයර් එක hide කරගන්න.

7) දැන් අපි අර canvas එක පිරෙන්න ටයිප් කරපු text ලේයර් එක උඩ Right-click කරල Rasterize Type කරන්න. දැන් ඒ ලේයර් එකේ ඉන්නැද්දිම Edit>Cut කර Edit>Paste කරන්න. ඉන්පසු Move Tool එක අරගෙන ඒ paste වුන කොටස cut කරපු බවක් නොපෙනෙන විදිහට හරියට align කරගන්න. ඉන්පස්සෙ ඒ ලේයර් එක Right-click කර Blending Options වලට ගොස් Color Overlay එකක් දෙන්න ඔබට කැමති පාටකින් (මම දුන්නේ සුදු පාට).

8) අවසාන වශයෙන් Layer Palette එකේ ඔක්කොම ලේ‍යර්ස් වලට උඩින් අලුත් ලේයර් එකක් හදාගන්න. (උඩම ලේයර් එක ක්ලික් කරලා Ctrl+Shift+N ඔබන්න). ඉන්පස්සෙ ඒක ඕනේ පාටකින් fill කරගන්න. ඉන්පසු ඒකෙ Fill අගය 0% කරන්න. දැන් එහි Blending Options වලට ගිහින් පහත සඳහන් විදිහට Inner Glow එකක් දෙන්න.

මෙන්න අවසාන ප්‍රතිඵලය.

මේ effect එක ඔයාලට කැමති විදිහකට අත්හදා බලලා ලස්සන නිර්මාණයක් කරගන්න පුලුවන්.

Original Source – abduzeedo.com

මෙම පාඩම බාගත කරගන්න – http://www.mediafire.com/?lcn299bq3v7x947

RAR Password – photoshopsinhalen.com
(පාඩම බැලීමට Adobe Reader අවශ්‍යයි)

Photoshop සිංහලෙන් V2

Dileepa Mahanama — Fri, 11 Nov 2011 10:40:00 +0000

Photoshop සිංහලෙන් බ්ලොග් අඩවිය කාලයක් අක්‍රිය වෙලා තිබුනා. ඒකට විවිධ හේතූන් තිබ්බා. නමුත් දැන් අපගේ බ්ලොග් අඩවියේ Version 2 අද දින (11.11.11) සිට ක්‍රියාත්මක වෙනවා. V2 මගින් අපි අලුත් සේවාවන් රැසක් ඔබට ලබා දෙනවා.

1) Photoshop සිංහලෙන් Forum – forum.photoshopsinhalen.com

2) අප ලබා දෙන Photoshop පාඩම් Download කිරීමේ හැකියාව.

3) නව මානයකින් යුත් Photoshop වැඩ.

4) Video Tutorials (වීඩියෝ මඟින් අපගේ පාඩම් කියාදීම)

මේ සේවාවන් අතරින් Photoshop සිංහලෙන් Forum එක ඔබට බොහෝ වැදගත් වෙයි කියල මං හිතනව. Forumවැක තුල ඔබට Designing ගැන හෝ වෙනත් අදාල මාතෘකා ගැන කතාබහ කිරීමට හැකියාව ලබා දී තිබෙනව. Video Tutorials දැමීම තරමක් ප්‍රමාද කරන්න සිදු වෙනව. නමුත් ඉදිරියේදී ඔබට එම සේවාවත් ලබා දෙන්න අපි කටයුතු කරනව.

අපට ඔබගේ අදහස්, උදහස්, යෝජනා, චෝදනා සියල්ල comment මාර්ගයෙන් හෝ email මාර්ගයෙන් හෝ වෙනත් කිසියම් ආකාරයකින් දන්වන්න. ඔබගේ ප්‍රතිචාර අපට ඉදිරියට යන්න බෝහෝ සේ උපකාරී වේ.

මෙයට,

දිලීප මහානාම.

Photoshop සිංහලෙන් Admin

Photoshop පාඩම් අංක 13 | Image එකකට අමුතු ගතියක් දෙමු… (Part 2)

Dileepa Mahanama — Thu, 04 Aug 2011 14:45:00 +0000

ඔයාලට මතක ඇතිනෙ මම ගිය සතියෙ දාපු ටියුට් එක. (මතක නැත්තන් මෙතනින් යන්න) අද මම ඒකෙ දෙවෙනි කොටස තමයි දාන්නෙ. ඒ වගේම තවත් effect දෙකක් දාන හැටි තමයි මේ ටියුට් එකෙන් ඔයාලට කියල දෙන්න යන්නෙ. මේ ක්‍රම දෙකත් කලින් දෙක වගේම ඔයාලට බොහොම පහසුවෙන් කරන්න පුලුවන්. එහෙනම් අපි යමු ටියුට් එක බලන්න.

තුන්වෙනි ක්‍රමය

1) මුලින්ම ඔයාලගෙ ෆොටෝ එක Photoshop එකට ගන්න (Drag and Drop)

2) දැන් අපි කලින් ටියුට් එකේ කලා වගේ Layer Palette එකට ගිහින් එතන තියන Background ලේයර් එක Right-click කරල Layer from Background කියන එක ක්ලික් කරන්න. දැන් ආයෙමත් Right-click කරල Duplicate Layer කියන එක ක්ලික් කරන්න.

ඊට පස්සෙ Filter menu එකේ Artistic sub-menu එකේ Neon Glow කියන එකට යන්න. එත තියන sliders පාවිච්චි කරල ඔයාලට අවශ්‍ය විදිහට අගයන් දාගන්න. පින්තූරයට ගැලපෙන පාටක් එතනින් තොරලා දෙන්න. මම පාවිචි කලේ පහල තියන අගයන් සහ පාට.

3) දැන් Layer Palette එකට ගිහින් අපි Neon Glow එක දාපු ලේයර් එක සිලෙක්ට් කරල ඊට උඩින් Normal කියල තියන Layer Type එක Overlay කියන එකට මාරු කරන්න. Soft Light, Hard Light, Vivid Light, and Linear Light කියන Layer types දාලත් ඔයාලට බලන්න පුලුවන්.

දැන් බලන්න Output එක.

(Click to Enlarge)

හතරවෙනි ක්‍රමය

1) කලින් වගේම ඉස්සෙල්ලම ඔයාලගෙ ෆොටෝ එක Photoshop එකට ගන්න.

2) දැන් කලින් වගේම Background ලේයර් එක Layer from Background කරගෙන Duplicate කරගන්න.

ඊට පස්සෙ Filter menu එකේ Blur කියන sub-menu එකේ Gaussian Blur කියන එකට යන්න. එතන තියන Radius එකේ අගය සාමාන්‍ය තරමට දාන්න. පින්තූරයේ තියන දේවල් අපැහැදිලි වෙන්නැති විදිහට. මම දැම්මේ පහල තියන අගයයි.

3) දැන් Layer Palette එකට ගිහින් අපි Gaussian Blur කරපු ලේයර් එක සිලෙක්ට් කරල ඒකෙ Opacity (Layer Palette එකේ දකුණු පැත්තෙ උඩ තියන) අගය 50% හෝ ඊට ආසන්න අගයක් ලෙස වෙනස් කරගන්න.

අවසාන ප්‍රතිඵලය මෙන්න.

(Click to Enlarge)

Original Source – Digital Photography School

මෙම පාඩම බාගත කරගන්න – http://www.mediafire.com/?e62krcraobw010c

RAR Password – photoshopsinhalen
(පාඩම බැලීමට Adobe Reader අවශ්‍යයි)

එහෙනම් යලිත් ටියුට් එකකින් හමුවෙමු.

Photoshop පාඩම් අංක 12 | Image එකකට අමුතු ගතියක් දෙමු…

Dileepa Mahanama — Tue, 26 Jul 2011 17:05:00 +0000

ඔන්න මාස ගානකට පස්සෙ මම ආයෙ බ්ලොග් එක පැත්තට ආවා. එක එක වැඩයි විභාගයි හින්ද බ්ලොග් එක කරගෙන යන්න බැරි වුන එක ගැන මම ඔයාලගෙන් සමාව ඉල්ලනව. දැන් වැඩ ටිකක් අඩු වුන හින්ද ආයෙමත් බ්ලොග් එක කරගෙන යන්න පුලුවන් වෙයි කියල මම හිතනව. එහෙනම් ඔන්න අළුත්ම ෆොටෝශොප් වැඩ කෑල්ලක් එක්ක තමයි මම ආවෙ. වැඩිය කතා නැතුව අපි යමු එහෙනම් ටියුට් එක බලන්න….

අද මම ඔයාලට ගේන්නෙ ගොඩක්ම ලේසි ටියුට් දෙකක්. ටියුට් ලේසි හින්ද මම ටියුට් දෙකම එකම පෝස්ට් එකේ දානව.

ඔයාල ගාව තියන ෆොටෝ වලට අමුතු ගතියක් දෙන්න ඔයාල කැමතිද? එහෙනම් මේ තියෙන්නෙ ඒකට කියාපු ක්‍රම දෙකක්.

පළවැනි ක්‍රමය

1) මුලින්ම ඔයාලගෙ ෆොටෝ එක Photoshop එකට ගන්න (Drag and Drop)

2) දැන් Layer Palette එකට ගිහින් එතන තියන Background ලේයර් එක Right-click කරල Layer from Background කියන එක ක්ලික් කරන්න. දැන් ආයෙමත් Right-click කරල Duplicate Layer කියන එක ක්ලික් කරන්න.

3) මීලඟට අපි අලුතෙන් හදාගත්ත Layer 0 copy එක සිලෙක්ට් කරල Filter Menu එකේ Blur කියන Sub Menu එකේ Gaussian Blur කියන එකට යන්න. ඉන්පසු ඔයාලට කැමති අගයක් Radius එකට දාල Ok කරන්න. නමුත් ෆොටෝ එකේ තියන දේවල් නොපෙනෙන තරමට අගය වැඩි කරන්න එපා.

4) දැන් ආයෙමත් Layer Palette එකට ගිහින් අපි Blur කරපු ලේයර් එක සිලෙක්ට් කරල ඊට උඩින් Normal කියල තියන Layer Type එක Overlay කියන එකට මාරු කරන්න.

දැන් කොහොමද ෆොටෝ එක. මේ තියෙන්නෙ මගෙ Output එක.

(Click to Enlarge)

දෙවෙනි ක්‍රමය

1) කලින් වගේම ඉස්සෙල්ලම ඔයාලගෙ ෆොටෝ එක Photoshop එකට ගන්න (මේ ෆොටෝ එකේ යම් කිසි වස්තුවක් කැපී පෙනෙන විදිහට තමයි අපි එඩිට් කරන්න යන්නෙ. ඒ නිසා එයට ගැලපෙන ෆොටෝ එකක් පාවිච්චි කරන්න).

2) දැන් කලින් වගේම Background ලේයර් එක Layer from Background කරගෙන Duplicate කරගන්න.

මීලඟට අපි Duplicate කරපු ලේයර් එක සිලෙක්ට් කරගෙන Toolbar එකෙන් Lasso Tool එක අරගෙන ෆොටෝ එකේ අපිට කැපිල පේන්න ඕනෙ වස්තුව (මේකෙ නම් මේ මල) වටේට ඒ වස්තුවේ හැඩය එන විදිහට සිලෙක්ට් කරගන්න (Click කරල pointer එක ඇදගෙන යන්න).

3) දැන් අපේ Selection එක උඩ Right Click කරල Feather එකක් දෙන්න. 50 වගේ අගයක් මේකට ගැලපෙනව.

4) දැන් මේ Feather එක දුන්න කොටස උඩ Right Click කරල Layer via Copy කියන එක ක්ලික් කරන්න. මීලඟට අපි අලුතෙන් හදපු ලේයර් එකට පහලින් තියන ලේයර් එක සිලෙක්ට් කරගන්න.

5) මීලඟට Filter Menu එකේ Brush Strokes කියන Sub Menu එකේ Sprayed Strokes කියන එකට යන්න. ඒකෙ අගයන් ඔයාලට කැමති විදිහට දාන්න. (මෙහි Sprayed Strokes කියන filter එක නැතුව ඔයාලට කැමති filter එකක් දාගන්න පුලුවන්).

කොහොමද Output එක… මෙන්න මගේ Output එක…

(Click to Enlarge)

Original Source – Digital Photography School

මෙම පාඩම බාගත කරගන්න – http://www.mediafire.com/?nj81bd8g7znh5xw

RAR Password – photoshopsinhalen
(පාඩම බැලීමට Adobe Reader අවශ්‍යයි)

අපේ පරණ පාඩම් ටිකත් අපි ලඟදීම බාගත කරන්න පහසුකම ලබා දෙනව.

එහෙනම් යලිත් ටියුට් එකකින් හමුවෙමු.